2018-ի նոյեմբերին լույս աշխարհ եկավ Մայա Ազիզ անունով մի երեխա: Աղջիկը ծնվել է կատարյալ սպիտակ մազերով: Նա զարմացրեց հիվանդանոցի ողջ անձնակազմին, բայց ոչ մայրիկին, ով ունի նույն գենետիկական հատկությունը։
Որպեսզի հետագայում դուստրը չամաչի իր արտաքին տեսքից, մայրը սկսեց լուսանկարել նրան և վերբեռնել այս նկարները սոցիալական ցանցերում:
Կինն ասում է, որ հղիացել է 40 տարեկանում, հղիությունը դժվար է եղել, 23 ժամ տևած ծննդաբերությունից հետո կատարվել է կեսարյան հատում:
Մայան ծնվել է բացարձակապես առողջ, բայց բոլոր նորածինների մեջ նա առանձնանում էր գլխի ձյունաճերմակ փնջով:
«Անգամ ծննդաբերության սենյակում ես լսում էի, թե ինչպես են մարդիկ ասում.«Վա՜յ, նա ծնվել է շողով», «ինչ նորաձև երեխա է», իսկ ես անընդհատ կրկնում էի։ Թույլ տվեք տեսնել, տեսնեմ», — հիշում է կինը:
Այս պահին աղջկա էջին բաժանորդագրվել է ավելի քան 22 հազար մարդ, ովքեր երբեք չեն դադարում հիանալ նրա անսովոր արտաքինով:
«Մանկության տարիներին ես տառապում էի ծաղրանքից՝ արտաքին տեսքի և մարմնի վրա առկա հետքերի պատճառով: Իմ մանկության և պատանեկության ողջ ընթացքում ես թաքնվում էի հագուստի և դիմահարդարման ետևում: Մոտ 20 տարեկան հասակում ես հասկացա, որ եզակի եմ: Դա ինձ առանձնահատուկ դարձրեց», — ասաց Թալիթան:
Այժմ ծնողներն աշխատում են այնպես անել, որ աղջիկը արտաքինի պատճառով բարդույթավորված չդառնա, այլ հասկանա իր յուրահատկությունը:
«Մայան մեծանում է և սովորում է հարգել մարդկանց, և ես փորձում եմ նրան սովորեցնել գնահատել իրեն: Սա է որպես մայր իմ առաքելությունը», — ասում է Թալիթան։
Նյութը հրապարակման պատրաստեց NEWS ARMBLOG–ը
Կայքից արգելվում է նյութը պատճենել
Տեղեկացրե՛ք Ձեր մտերիմներին: