Սթրեսը նվազեցնելու ամենապարզ միջոցները

Սթրեսի բարձր մակարդակը կարող է մեծ թվով հիվանդությունների առաջացման պատճառ դառնալ: Ահա մի քանի միջոց այդ ցուցանիշը նվազեցնելու համար:

Երաժշտություն լսեք.

Եթե սթրեսային իրավիճակում եք հայտնվել, դադար տվեք և հանգստացնող, ձեզ հաճելի երաժշտություն լսեք: Այն դրականորեն է ազդում ուղեղի և մարմնի վրա, իջեցնում է արյան ճնշումը և կորտիզոլ սթրեսի հորմոնի ցուցանիշը:

Զանգահարեք ընկերոջը.

Սթրեսային վիճակում անպայման զարգահարեք ընկերոջը և պատմեք ձեր խնդիրների մասին: Ընկերների և մտերիմների հետ լավ հարաբերությունները շատ կարևոր է առողջ ապրելակերպի համար, հատկապես հոգեբանական խնդիրների առկայության դեպքում:

Ճիշտ սնվեք:

Սթրեսի մակարդակը և անառողջ սննդակարգը փոխկապակցված են: Եթե մենք շատ հուզված ենք լինում, ապա մոռանում ենք առողջ սնվելու մասին և ձգտում ենք թխվածքների, տապակած և աղի ուտելիքի: Կա նաև հակադարձ կապ, որը հաստատվել է գիտության կողմից:

Ավելի շատ ծիծաղեք.

Ծիծաղի պահին օրգանիզմում էնդորֆիններ են արտադրվում, որոնք բարձրացնում են տրամադրությունը և նվազեցնում սթրեսի հորմոն կորտիզոլի և ադրենալինի մակարդակը: Ծիծաղը խթանում է նյարդային համակարգը և մեզ ավելի երջանիկ դարձնում:

Ֆիզիկական ծանրաբեռնվածություն.

Նույնիսկ ծանրաբեռնվածության մի քանի րոպեն կարող է բավարար լինել թեթևություն զգալու համար: Եվ պարտադիր չէ դրա համար մարզասրահ այցելել. կարող եք քայլել, մաքուր օդ շնչել և հանգիստ մտորել ամեն ինչի մասին:

Առողջ քուն.

Մենք բոլորս գիտենք, որ սթրեսի պատճառով մարդը սկսում է անքնությամբ տառապել: Սակայն քնի պակասն, իր հերթին, կարող է սթրեսի առաջացման պատճառ հանդիսանալ: Անհրաժեշտ է կոտրել այս արատավոր շրջանը և փորձել լավ քնել:

Նյութը հրապարակման պատրաստեց NEWS ARMBLOG–ը

Տեղեկացրե՛ք Ձեր մտերիմներին:

Նյութը հրապարակման պատրաստեց NEWS ARMBLOG–ը

Տեղեկացրե՛ք Ձեր մտերիմներին: