Շքեղ մազեր՝ ինչպես գովազդում. անհավանական հեշտ միջոց

Բնական երանգով առողջ մազերը շատ նորաձև են:

Հինան լավագույն լուծումն է դրա համար:

Այն ոչ միայն անվնաս բնական ներկանյութ է:

Հինան ունի հականեխիչ հատկություններ, վերացնում է քորը և թեփը, շատ լավ ծածկում է մազերի սպիտակությունը, մազերին փայլ և փափկություն է տալիս, այն նաև շատ էժան է:

Հինան օգտագործման որոշ կանոններ ունի:

Մազերի ներկում հինայով

1. Ինչպես է հինան ներկում մազերը

Երբ մազերդ ներկում ես սովորական քիմիական ներկով, մազի բնական գունանյութը փոխարինվում է ներկանյութի արհեստական գունանյութով: Հինան չի ազդում մազի ներքին կառուցվածքի վրա, այն միայն արտաքինից է ծածկում: Այդպիսով մազերը հինայից հետո ամրանում են պաշտպանիչ ծածկույթի հաշվին, իսկ գույնը շատ երկար է մնում:

2. Հինայի տեսակները

Հինան յուրաքանչյուրի դեպքում տարբեր կերպ է ազդում, քանի որ ներկելու արդյունքը կախված է մազերի բնական գույնից:

Հինայի մի քանի տեսակ կա, որոնք տարբեր ազդեցություն են ունենում:

• Անգույն՝ վերականգնում է անկյանք մազերը:
• Ոսկեգույն՝ հարմար է շիկահերներին:
• Դարչնագույն՝ կարող են խարտյաշ կանայք օգտագործել:
• Բուրգունդ՝ գունանյութ, որը կարմիր գինու խորը տոն է տալիս:
• Մախաոն՝ պղնձի գույն կարմրավուն երանգով:
• Սև՝ դառը շոկոլադի գույնի է ներկում:

3. Հինայից ներկի պատրաստումը

Որակյալ փոշին պետք է կանաչ լինի, հոտը՝ խոտի: Այն մինչև 70°С տաքացված ջրով բացիր: Հինայի վրա եռացած ջուր չի կարելի լցնել, քանի որ այն կորցնում է բոլոր օգտակար նյութերը:

Ստացված զանգվածը ծածկեք պոլիէթիլենային տոպրակով և գիշերը թողեք տաք տեղում (21°С): Գործընթացն արագացնելու համար կարելի է խառնուրդը 2 ժամ թրմել 35°С-ի պայմաններում: Ներկը մազերին քսելուց առաջ մի քիչ կիտրոնի հյութ ավելացրեք, որպեսզի գույնն ավելի հագեցած և կայուն ստացվի:

Նախքան մազերը հինայով ներկելը՝ ստուգիր ալերգիկ ռեակցիան մաշկի ոչ մեծ հատվածի վրա: Եթե քոր և կարմրություն առաջանա, հինան օգտագործել չի կարելի:

4. Մազերին քսել

Խորհուրդ է տրվում քսուք քսել մաշկին մազերի աճի և ականջների երկանյքով, որպեսզի այդ հատվածների վրա հինա չքսվի ներկելիս:

Գլխավորը՝ մազերը պետք է մաքուր և չոր լինեն: Ներկանյութը քսիր մազերի արմատներից մինչև ծայրերը: Նյութը հավասարաչափ տարածիր գլխիդ:

Գլուխդ ծածկիր և սպասիր: Ավելի բաց երանգ ստանալու համար ներկը պահիր 35 րոպե տաք պայմաններում, 1 ժամ առանց տաքության, իսկ մուգ երանգներ ստացվում են 45 րոպե տաք պայմաններում կամ 80 րոպե առանց տաքության պահելու դեպքում: Մազերդ ողողիր տաք ջրով և լավ լվա: