Ինչպես պատրաստել տորթ «Գնչուհի»

«Գնչուհի» տորթը, որն այսօր առաջարկում ենք, անկասկած կգերի ձեր սիրտը։

Այն այնքան համեղ է, որ նույնիսկ նրանք, ովքեր անտարբեր են քաղցրի նկատմամբ, չեն դիմանա այս տորթի գայթակղությանը։

Պահանջվող բաղադրիչներ

• Շաքարավազ – 2 բաժակ,
• Ձու – 4 հատ,
• Ալյուր – 3 բաժակ,
• Քացախ – 1 ճ.գ.,
• Եփած խտացրած կաթ – 350 գր.,
• Կաթ – 3,5 ճ.գ.,
• Կակաո – 3,5 ճ.գ.,
• Կոնյակ – ըստ ճաշակի,
• Բալ – 40 հատ,
• Յոգուրտ – 2 բաժակ,
• Սոդա – 1 թ.գ.,
• Սև թեյ – 2 բաժակ,
• Կարագ – 200 գր։

Պատրաստման եղանակը

1. Խառնեք շաքարը, 2 ճ.գ. կակաոն, յոգուրտը կամ անյուղ թթվասերը, ավելացրեք ալյուրը։

2. Սոդան քացախով խառնեք և ավելացրեք խմորին։

3. Խմորը լցրեք յուղաթղթով ձևամանի մեջ և դրեք 180 աստիճան տաքացված ջեռոցը 30-40 րոպե։ Ստուգեք ատամի չոփիկով։

4. Կրեմի համար խառնեք կարագն ու եփած խտացրած կաթը։

5. 1,5 ճ.գ. կակաոն բացեք տաք կաթով և ավելացրեք կրեմին։ Լավ խառնեք։ Կրեմը պատրաստ է։

6. Խմորը սառչելուց հետո սուր դանակով այն երեք շերտի բաժանեք։

7. Մուգ քաղցր թեյը և կոնյակը խառնեք։

8. Թեյի գդալի օգնությամբ խմորի ներքևի շերտը թրջեք այս խառնուրդով և կրեմ քսեք, իսկ վրայից շարեք բալերը։ Նույնը արեք երկրորդ շերտի հետ։ Չմոռանաք կրեմ թողնել տորթի վերևի հատվածի համար։

9. Վերևի շերտին կրեմ քսեք և քերած շոկոլադ լցրեք վրան։

Անգերազանցելի «Գնչուհի» տորթը պատրաստ է։

Նյութը հրապարակման պատրաստեց NEWS ARMBLOG–ը

Տեղեկացրե՛ք Ձեր մտերիմներին: