7 «ռոմանտիկ արտահայտություններ», որոնք իրականում կարող են փչացնել հարաբերությունները

Կան բազմաթիվ «ռոմանտիկ արտահայտություններ», որոնք ենթադրում են այլ մտադրություններ և իմաստներ։ Հիշեք, որ երբեմն բառերն ավելին են ասում, քան մենք լսում ենք:

Թեև ստորև թվարկված արտահայտություններն առաջին հայացքից անվնաս են թվում, բայց եթե ուշադիր նայեք, ապա դրանք կարող են բավականին թունավոր լինել և ցույց տալ մարդու իրական էությունը։

1. «Ես ոչ ոք եմ առանց քեզ»

Սա կախվածության լուրջ խնդիրների ակնհայտ նշան է: Մարդը, ով ասում է այս խոսքերը, զգում է, որ առանց քեզ իր կյանքն անպետք կլիներ: Նա հույսը դնում է ձեզ վրա ավելի շատ, քան պետք է և կարծում է, որ չի կարող առանց ձեզ նորմալ գործել իր կյանքում:

Ձեզ իր գոյության պատճառ դարձնելը թունավոր է, անկախ նրանից, թե ինչպես եք վերաբերվում դրան, և միշտ հանգեցնում է հիասթափության:

2. «Դու միակն ես, ով ինձ իսկապես երջանիկ է դարձնում»

Կախվածության ևս մեկ լուրջ նշան, որը հուշում է, որ ձեր զուգընկերը չի կարողանում երջանկություն գտնել իր մեջ, թեև պետք է լինի:

Մենք պարտավոր չենք որևէ մեկին լրացնել։ Երջանկությունը գալիս է ներսից, և եթե դու դա չես զգում, ապա մի՛ փորձիր քո երջանկությունը գտնել ուրիշի մեջ։ Վե՛րջ

3. «Ես բավականաչափ լավը չեմ քեզ համար»

Այս արտահայտությունը ստիպում է ձեզ զգալ, որ թերագնահատում եք ձեր զուգընկերոջը: Նույնիսկ եթե դու ոչինչ չես արել, որպեսզի նա ասի դա, նա քեզ պատվանդանի վրա է դնում, ինչը նա չպետք է անի:

Եթե ​​դուք չափազանց բարձր եք գնահատում ձեր կյանքում ինչ-որ մեկին, ապա վաղ թե ուշ նա միշտ կհուսահատեցնի ձեզ, անկախ նրանից՝ միտումնավոր, թե ոչ։

4. «Դու գեղեցիկ ես այնպիսին, ինչպիսին կաս»

Իհարկե, բոլորն էլ ցանկանում են, որ իրենց ընդունեն այնպիսին, ինչպիսին կան։ Բայց դուք նաև պետք է կարողանաք փոխվել այնպես, ինչպես հարմար եք գտնում: Մենք բոլորս մարդ ենք, անընդհատ հարմարվում ենք և մեր մեջ նոր բան ենք գտնում։

Եթե ​​ձեր զուգընկերը տարված է այն անձնավորությամբ, ում առաջին անգամ հանդիպել է ի դենս ձեզ և հրաժարվում է թույլ տալ, որ դուք աճեք, ապա ձեր հարաբերություններում լուրջ խնդիր կա:

5. «Դու շատ ավելի լավն ես, քան իմ նախկինը»

Չի կարելի համեմատել սիրելիին նախորդի հետ։ Յուրաքանչյուր ոք ունի իր պայքարն այս աշխարհում, և եթե անգամ ձեր զուգընկերոջը չբերեք այն ցավը, որը նրան պատճառել է անցյալում ինչ-որ մեկը, պարզապես համեմատության փաստը բավական է ձեր բերանում դառը համ թողնելու համար:

Դուք չեք կարող ապրել ներկայով, եթե շարունակեք մտածել անցյալի հարաբերությունների մասին:

6. «Եթե դու ինձ սիրեիր, ապա…»

Մեր գործընկերն իրավունք չունի մեզ ստիպել անել այն, ինչ մենք չենք ուզում անել: Եթե ​​նման վերջնագրի առաջ եք կանգնել, փախեք։ Ձեր սերը չպետք է հիմնված լինի պայմանների վրա:

Միայն այն, որ դուք ասում եք ոչ և պաշտպանում ձեր սահմանները, չի նշանակում, որ դուք զգացմունքներ չունեք ձեր զուգընկերոջ նկատմամբ:

7. «Ես ուզում եմ ամբողջ ժամանակս անցկացնել քեզ հետ»

Մարդկանց ժամանակ է պետք իրենց համար և հնարավորություն՝ մենակ մնալու՝ զուգընկերոջից զատ։ Ոչ մի վատ բան չկա ընկերների հետ ժամանակ անցկացնելու կամ սեփական գործերով զբաղվելու մեջ:

Եթե ​​ձեր զուգընկերն այնքան է կախված ձեզանից, որ ձեզ մի պահ հանգիստ չի տալիս, ապա ինչ-որ բան պետք է փոխվի։

Նյութը հրապարակման պատրաստեց NEWS ARMBLOG–ը

Տեղեկացրե՛ք Ձեր մտերիմներին:

ՉՄՈՌԱՆԱՔ ԿԻՍՎԵԼ ԸՆԿԵՐՆԵՐԻ ՀԵՏ