Նարգիզը վիսկիի շշով բեմ է դուրս եկել եւ հարբել

361

Հայտնի երգչուհի Նարգիզ Զակիրովային մեղադրել են ալկոհոլի չարաշահման մեջ։ Տնօրենը, որը մի քանի համերգ է կազմակերպել ասում է, որ «երգչուհու քմահաճույքները տանելը գնալով բարդանում է»։

Հինգ տարի առաջ Նարգիզ Զակիրովան ռուսական «Ձայնը» նախագծի շնորհիվ հայտնի դարձավ երկրով մեկ։ Նրա ֆենոմենալ վոկալը տպավորել էր հանդիսատեսին։ Նա զբաղեցրեր երկրորդ տեղը, որից հետո սկսեց իր հաջող կարիերան։ Այժմ երգչուհին շրջագայում է երկրով մեկ, սակայն այն ինֆորմացիան, որ կազմակերպիչները դժգոհում են ավելի ու ավելի հաճախ է հայտնվում։

Համերգային տնօրեն Սերգեյ Լավրովն ասում է, որ Նարգիզը սկսել է հաճախ ոչ սթափ վիճակում դուրս գալ բեմ, պարբերաբար տապալելով ելույթը։ Այդ պատճառով միջոցառումների քանակը, որոնց հրավիրում են աստղին, նկատելի նվազել են։

«Կան արտիստներ, որոնք համերգների ժամանակ հարբում են եւ մի կերպ են հեռանում բեմից։ Նարգիզը ձեզ օրինակ։ Առաջ նա վիսկիի շշով դուրս էր գալիս հանդիսատեսի առջեւ եւ հենց բեմում խմում էր։ Դա տեղի էր ունենում կորպորատիվ միջոցառումների, համերգների ժամանակ, որոնց համար հանդիսատեսը տոմսերը գնում էր։ Այնուհետեւ, երբ մարդիկ սկսեցին զայրանալ եւ նրանցից ոմանք ելույթի ժամանակ լքել դահլիճը, նա խելք հավաքեց»։

Այժմ նա վիսկին խառնում է գազավորված ընպելիքի հետ եւ դրա շշով է բեմ դուրս գալիս։ Նա պահանջում է, որպեսզի իրեն տրամադրեն այնպիսի մեքենա, որը քնելու տեղ կունենա։

Նրա խոսքերով խնդիրներն առաջանում են նաեւ Նարգիզի ոչ կազմակերպված լինելուց։ Ասում են, որ աստղը կարող է հրաժարվել համերգից վերջին պահին։ «Նա կարող է ասել․ «Կներեք, ես ձայն չունեմ, հարկավոր է հետաձգել համերգը»։ Գիտեք, թե որքան հաճախ է նրա մոտ դա տեղի ունենում։

Նրա քմահաճույքների պատճառով մենք ստիպված ենք բարձրացնել տոմսերի գները, իսկ նման գումարներով մարդիկ համերգի գնալ չեն ցանկանում։ Առաջ մենք պատրաստ էինք հանդուրժել նրա քմահաճույքները, որովհետեւ նա անշլագներ էր հավաքում, իսկ այժմ նրա համերգին մաքսիմում դահլիճի կեսն է լցվում»։