10 սխալ առաջին օգնություն ցուցաբերելիս, որոնք կարող են վնասել

Ներկայացնում ենք սխալներ, որոնք մարդիկ անում են առաջին բուժօգնության ժամանակ:

Նախ համոզվեք, որ ձեզ վտանգ չի սպառնում:

Ստուգեք՝ տուժածը զարկերակ ունի՞, արդյոք բիբերն արձագանքում են լույսին (պետք է նեղանան):

Կյանքի նշանների բացակայութան դեպքում անհապաղ սիրտ-թոքային վերակենդանացում սկսեք:

1. Ուժեղ արնահոսության դեպքում

Գլխավոր սխալը՝ անմիջապես ժգուտ դնել

Նախ պետք է վերքին ամենամոտը գտնվող զարկերակը, անոթը սեղմած պահել, վերքի վրա սեղմող վիրակապ դնել ստերիլ անձեռոցիկներով:

Ժգուտ վերքերի վրա դնում են միայն փափուկ պաստառի վրա, օրինակ՝ տուժածի հագուստի՝ վերքից վերև և առավելագույնս մոտ դրան:

Ժգուտը դնելուց 1 ժամ հետո պետք է զարկերակը սեղմել ձեռքով և թուլացնել 10-15 րոպեով, հետո նորից ձգել, բայց կես ժամից ոչ ավել:

2. Քթից արնահոսության դեպքում

Գլխավոր սխալը՝ գլուխը հետ տանել

Մարդուն նստեցրեք, գլուխը մի քիչ առաջ բերեք, որպեսզի արյունը հոսի, քիթը սեղմեք երկու մատով քթանցքերից քիչ վերև մոտ 10 րոպեով, ով ավել: Հետո ասեք, որ արյուն թքի, այլապես արյունը ստամոքս հասնելու դեպքում կարող է սրտխառնոց առաջացնել:

Քթի մեջ բամբակ դնել պետք չէ, միայն եթե արնահոսությունը 15 րոպե անց չի դադարում: Այդ դեպքում անհապաղ բժշկի դիմել:

3. Գերսառեցման դեպքում

Գլխավոր սխալները՝ ձյունով շփել, յուղ կամ վազելին օգտագործել, կտրուկ բարձրացնել մաշկային ծածկույթի ջերմաստիճանը:

Նախ պետք է տուժածին տաք տեղ տեղափոխել և փաթաթել մարմնի սառած մասերը: Անհրաժեշտության դեպքում պետք է տուժածին չոր հագուստ հագցնել և տաք ծածկոցով փաթաթել: Պետք է նրան տաք քաղցր ըմպելիքներ և տաք սնունդ տալ:

Ոչ մի դեպքում չի կարելի ալկոհոլ տալ:

4. Սրտի կանգի դեպքում

Գլխավոր սխալը՝ նույն մանիպուլյացիաներն անել տարբեր տարիքի մարդկանց հետ:

Հասուն մարդկանց սրտի ոչ ուղակի մերսում անում են երկու ձեռքով, տուժածի կրծքավանադակի վրա հենվում են ափերի հիմքերը, մեծ մատն ուղղում են ոտքերի կամ գլխի կողմը: Դեռահասներին նունն անել պետք է ամբողջ ափով մեկ ձեռքով: Երեխաներին այդ մերսումն անելու համար օգտագործում են միջնամատի և ցուցամատի բարձիկները:

Մարդուն սրտի ոչ ուղղակի մերսում կարելի է անել միայն նրան ուղիղ և կոշտ մակերևույթի վրա պառկեցնելով:

5. Այրվածքի դեպքում

Գլխավոր սխալները՝ աշխատել հագուստի մասնիկները հեռացնել այրված տեղից, ծակել փուչիկները:

Պետք է նախ նրան պառկեցնել հատակին, մարել կրակը՝ նրա վրա նետելով սեփական հագուստը, անհապաղ բժիշկ կանչել:

Աննշան այրվածքի դեպքում պետք է տուժած մասի վրա ջուր լցնել 20 րոպեից ոչ ավել: Հետո այրվածքի վրա ստերիլ վիրակապ դնել, վրան՝ սառույց կամ այլ սառը իր, օգնության դիմել:

Զգալի այրվածքի դեպքում տուժածին պարտադիր աղաջուր կամ հանքային ջուր տվեք:

6. Շնչուղիների մեջ օտար մարմին ընկնելու դեպքում

Գլխավոր սխալը՝ փորձել Հեյմլիխի հնարքը կիրառել անգիտակից մարդու վրա:

Պետք է մարդուն մեջքի վրա պառկեցնել և նստել նրա ազդրերի վրա: Հետո ափերը դնել կողերի վրա և 3 անգամ սեղմել ուժով: Տուժածին շրջեք կողքի և օտար մարմինը բերանից հանեք կտորով փաթաթված մատներով:

Փոքր երեխային պետք է դնել ձախ ձեռքի նախաբազկի վրա գլուխը դեպի ներքև և 3 անգամ հարվածել մեջքին, բռնել ոտքերից, գլուխը դեպի ներքև պահել:

Հեյմլիխի հնարքը հղի կնոջ դեպքում կիրառելու դեպքում պետք է սեղմել կրծքավանդակի ստորին մասը:

7. Հոդախախտի դեպքում

Գլխավոր սխալը՝ փորձել ուղղել հոդախախտը:

Պարզել՝ մասնավորապես ինչ վնասում ունի տուժածը հնարավոր է միայն ռենտգենով: Ուստի կարելի է միայն անշարժացնել վնասված մասը որևէ հարմար առարկայով:

Վիրակապել պետք է ոչ չափազանց ուժեղ՝ վերջութի արյան շրջանառությունը չխախտելու համար:

8. Թունավորման դեպքում

Գլխավոր սխալը՝ անբավարար քանակությամբ ջուր

Պետք է տուժածը 2,5-5 լ սենյակային ջերմաստիճանի ջուր խմի, ամեն 0,3-0,5 լիտրից հետո պետք է սրտխառնոց առաջացնել: Պրոցեդուրան պետք է կրկնել մինչև ջուրը լրիվ մաքրվի:

Անգիտակից մարդուն ստամոքսի լվացում չի կարելի անել:

9. Օձի խայթոցի դեպքում

Գլխավոր սխալը՝ թույնը դուրս ծծել:

Նախ պետք է տուժածին պառկեցնել, անշարժացնել նրա վերջույթը: Եթե մարդն անգիտակից է, պետք է սիրտ-թոքային վերակենդանացում անել:

Ժգուտն այս դեպքում անօգուտ է, կարող է հյուսվածքները սպանել:

10. Որովայնի ստորին մասում ցավի դեպքում

Գլխավոր սխալը՝ ցավազրկող կամ սպազմոլիտիկ ընդունել:

Ցավը վերացնելով՝ մարդը կարող է անտեսել այնպիսի վտանգավոր խնդիրներ, ինչպիսիք են՝ սուր կույր աղիքը, աղիքային անանցանելիությունը կամ խոցի պատռվածքը:

Սուր ցավի դեպքում պետք է շտապ բժշկի դիմել: