Մոռացեք կախված այտերի մասին. դեմքի կորեկցիայի գերհզոր միջոց

Ժամանակի ընթացքում մաշկը կորցնում է ամրությունն ու առաձգականությունը, որպես հետևանք՝ դիմագծերի հստակությունը վերանում է:

Կարող են առաջանալ պարկեր աչքերի տակ, կրկնակզակ կամ այտերը կախվեն:

Ուստի դեմքի մաշկի խնամքը պետք չէ հետաձգել:

Կախված այտեր

Մաշկի ծերացման գոծընթացները կանխել, նաև դադարեցնել կօգնեն լիֆթինգ-ազդեցությամբ գործուն դիմակները:

Այդ նպատակով առավել օգտակար բաղադրիչներ են բուժական ցեխը և կոսմետիկ կավը:

Ցանկացած ձգող միջոց քսելու դեպքում պետք է պառկել, որպեսզի մաշկը ներքև չձգվի:

Այդպիսի պրոցեդուրաների ընթացքում չի կարելի խոսել. միմիկական կնճիռների առաջացման պատճառով դիմակը հարթ չի մնա դեմքի վրա:

Բուժական ցեխով դիմակ

Բաղադրիչները՝

• Չոր բուժական ցեխ
• Ջուր

Պատրաստումը՝

1. Փոքր տարայի մեջ մի քիչ կոսմետիկ ցեխ և տաք ջուր խառնիր:

2. Խառնուրդը մածուցիկ վիճակի բեր և քսիր դեմքիդ խոնավ մաշկին:

Դիմակը թող 30 րոպե: Լվա տաք ջրով կամ երիցուկի թուրմով:

Բուժական ցեխը ձգող և հանգստացնող հատկություններ ունի:

Այդ միջոցը լավացնում է արյան շրջանառոթյունը, նյութափոխանակությունը մաշկում:

Սպիտակ կավով և մեղրով դիմակ

Բաղադրիչները՝

• 1 թ. գ. մեղր
• 1 թ. գ. սպիտակ կավ
• 1/2 թ. գ. կիտրոնի հյութ

Պատրաստումը՝

1. Խառնիր բոլոր բաղադրիչները:

2. Դիմակը բարակ շերտով քսիր դեմքիդ մաշկին:

Թող միջոցը 30 րոպե, հետո լվա տաք ջրով և մաշկը սրբիր մի կտոր կիտրոնով: